Final mərhələsində zona yarışlarından vəsiqə qazanan şahmatçılarla yanaşı aşağıdakı göstəriciləri ödəyən şahmatçılar iştirak edir:
- Dünya və Avropa birinciliklərində medal qazanmış şahmatçılar.
- Sonuncu Azərbaycan Birinciliyində (həm “Təhsil” RİM-in, həm də Federasiyanın) 1-3-cü yeri tutmuş şahmatçılar.
- Yaş qrupları üzrə Beynəlxalq reytinq əmsalı (FİDE-nin 01.12.2021-ci il tarixinə olan reytinq siyahısına əsasən) aşağıdakı göstəriciləri ödəyən şahmatçılar:
6 yaşadək oğlanlar arasında >1200, 6 yaşadək qızlar arasında >1100,
8 yaşadək oğlanlar arasında >1400, 8 yaşadək qızlar arasında >1300,
10 yaşadək oğlanlar arasında >1600, 10 yaşadək qızlar arasında >1500,
12 yaşadək oğlanlar arasında >1800, 12 yaşadək qızlar arasında >1700,
14 yaşadək oğlanlar arasında >2000, 14 yaşadək qızlar arasında >1900,
16 yaşadək oğlanlar arasında >2200, 16 yaşadək qızlar arasında >2100.
Birbaşa final mərhələsində iştirak hüququ olan şahmatçılar haqqında məlumat (finala vəsiqə verən əsas göstərilməklə) şahmatçının təmsil olunduğu müəssisə tərəfindən final yarışlarının başlamasına ən geci 12 gün qalmış tehsilchess@gmail.com elektron ünvanına göndərilməlidir.
Final yarışlarının yekun nəticələri reytinq hesablanması üçün FİDE-yə göndəriləcək. Bu səbəbdən finalda iştirak edən şahmatçıların FİDE ID-i olması tələb olunur.
